यातायात समितिले धमाधम बैंक खाताबाट पैसा निकाल्न थाले

काठमाडौं । सार्वजनिक यातायातमा सिन्डिकेट अन्त्य गर्ने सरकारी निर्णयसँगै विभिन्न यातायात समितिहरूले आफ्ना बैंक खाताबाट धमाधम पैसा निकाल्न थालेका छन् । समितिहरूले एकैपटक ठूलो परिमाणमा पैसा निकाल्न थालेको जानकारी जिल्लाबाट गृह मन्त्रालयमा प्राप्त हुन थालेका छन् ।

बुधबारसम्म कास्कीबाट मात्र यातायात व्यवसायीहरूले तीनवटा बैंक प्रयोग गरी करिब ३ करोड निकालिसकेका छन् । सरकारी कार्यालयमा दर्ता भएका कुनै पनि संस्था–समितिले विनाकारण एकैपटक त्यति ठूलो परिमाणमा पैसा निकाल्न पाउँदैनन् । तर, यातायात व्यवसायी समितिले मुद्दती खाताबाट करोडौँ पैसा निकाल्न थालेका हुन् ।

गृह मन्त्रालयका प्रवक्ता रामकृष्ण सुवेदीले सिडिओले नै यातायात व्यवसायी समितिलाई नियमन गर्ने व्यवस्था भएकाले उनीहरूको खाता रोक्का गर्न मन्त्रालयबाट कुनै निर्णय गर्नुपर्ने स्थिति नरहेको बताए । प्रवक्ता सुवेदीले भने, ‘समिति दर्ता गर्ने र खारेज गर्ने अधिकार प्रजिअको कार्यालयलाई छ । यदि समितिले अस्वाभाविक रूपमा पैसा निकालेको हो भने त्यसलाई रोक्ने अधिकार पनि सिडिओसँगै छ । मन्त्रालयले कुनै निर्णय गरिरहनुपर्दैन ।’

१० खर्बको व्यवसाय करको दायराबाहिर

यातायात क्षेत्रमा लगानी गरिएको ९ खर्ब ९८ अर्ब १५ करोड रुपैयाँ करको दायराबाहिर छ । गैरसरकारी संस्था (एनजिओ) का रूपमा जिल्ला प्रशासन कार्यालयमा दर्ता र नवीकरण हुँदै आएकाले उनीहरूको लगानी करको दायराबाहिर रहेको हो । यातायात व्यवसायीले बुधबार सार्वजनिक गरेको तथ्यांकअनुसार देशभर सबै प्रकारका सार्वजनिक सवारीसाधनमा गरेर कुल १० खर्ब रुपैया“ लगानी छ । यो विवरणमा यात्रुबाहक सवारीसाधन, ट्रक यातायात, पेट्रोलियम ढुवानी, ढुवानी यातायातलगायत सबै सवारीसाधनलाई समेटिएको छ ।

यातायात व्यवस्था विभागमा अहिलेसम्म दर्ता भएका यातायात कम्पनी (करको दायरामा आएका) को लगानी १ अर्ब ८४ करोड ३३ लाख रुपैया“ छ । दुवैको तथ्यांकलाई आधार मान्दा कुल लगानीको ९९ दशमलव ८१ प्रतिशत करको दायरामा आएका छैनन् । अहिलेसम्मको लगानीमध्ये शून्य दशमलव १८ प्रतिशत मात्र करको दायरामा छ ।

सिंहदरबारभित्र एकैचोटि काटिए सयौँ टेलिफोन लाइन

काठमाडौं । पटक–पटक ताकेता गर्दा पनि बक्यौता रकम नतिरेपछि नेपाल टेलिकमले प्रधानमन्त्री कार्यालयदेखि मन्त्रालय र संसद् सचिवालयसम्मको टेलिफोन लाइन काटेको छ । टेलिफोन सेवा नभएपछि बुधबार सिंहदरबारभित्रका अधिकांश सरकारी कार्यालय अस्तव्यस्त बने ।

कतिपय कार्यालयले बुधबार अबेर रकम बुझाएर लाइन खुलाए पनि अधिकांशका टेलिफोन सेवा ठप्पै छन् । नयाँ बिलिङ प्रणालीअनुसार बक्यौता रकम नतिरेका देशभरका सरकारी कार्यालय तथा कूटनीतिक नियोगका कार्यालयको टेलिफोन काटिएको टेलिकमले जनाएको छ ।

संघीय संसद् सचिवालयले टेलिकमलाई ६० लाख बक्यौता तिर्न बाँकी रहेको स्रोतले बतायो । सचिवालयले केही वर्षदेखि नियमित बिलअनुसारको रकम तिर्दै आए पनि धेरैवर्षअघिदेखिको बक्यौता बाँकी छ । संसद् सचिवालयका सहसचिव सुरजकुमार दुराले आफूहरूले टेलिकमलाई केही समयका लागि सेवा खोलिदिन आग्रह गरिसकेको र बिहीबारदेखि कार्यान्वयन हुने बताए । यो खबर आजको नयाँ पात्रिका दैनिकमा छापिएको छ ।

सबै टेलिफोन लाइन काटिएपछि प्रधानमन्त्री तथा मन्त्रिपरिषद्को कार्यालय केहीबेर अस्तव्यस्त बन्यो । तत्काल पाँच लाख तिरेर टेलिफोन सुचारु गरिएको छ । प्रधानमन्त्री तथा मन्त्रिपरिषद्को कार्यालयका प्रवक्ता सहसचिव विनोदकुमार कुँवरले भने, ‘नेपाल टेलिकमले ल्यान्डलाइनमा पनि प्रिपेड सिस्टम ल्याएको रहेछ । हामीलाई जानकारी भएन । पहिले पोस्टपेड थियो । टेलिफोन काटिएपछि हामीले पाँच लाख धरौटी राख्यौँ ।’

बुधबार अपराह्नसम्म टेलिफोन सेवा बन्द रहेका कतिपय मन्त्रालयले भने बक्यौता रकम तिरेका छन् । कानुन, शिक्षा, स्वास्थ्य, अर्थ, सामान्य प्रशासन, युवा, परराष्ट्र, गृह, युवा, रक्षा, उद्योग, सहरी विकास र रक्षा मन्त्रालयको टेलिफोन सेवा चालू भएका छन् । त्यस्तै सिंहदरबारभित्रै रहेका रेडियो नेपाल, नेपाल टेलिभिजनको टेलिफोन पनि सञ्चालनमा ल्याइएका छन् ।

बैङ्कले ऋण भुक्तानी नदिँदा नारायणी ग्यास उद्योग बिक्री

चितवन । चितवनको खैरहनी नगरपालिका वडा नं ९ मा रहेको नारायणी ग्यास उद्योग बिक्री गरिएको छ । एक दशकदेखि सञ्चालनमा रहेको सो उद्योग चलाउन विभिन्न बैङ्कहमा ऋण माग गर्दा कसैले नपत्याएपछि बिक्री गरिएको हो । ऋण स्वीकृत भइसकेपछि पनि बैङ्कले ऋण भुक्तानी नगर्दा उक्त ग्यास उद्योग विक्री गर्नु परेको कम्पनीले जनाएको छ ।

शुरुआती वर्षहरुमा कम्पनीले राम्रै आम्दानी गरे पनि पछिल्लो समय विस्तारै घाटामा गएको उद्योगका पूर्वसञ्चालक राजेन्द्र बुर्लाकोटीले बताए । कम्पनीलाई पहिलेकै गतिमा अघि बढाउन बैङ्कमा ऋण माग्न खोजिएको तर बैंकहरुले आलटाल गरी रकम नदिएपछि उद्योग विक्री गर्नुपरेको उनले बताए । कम्पनीको हिसाबकिताब अध्यावधिक नहुनु र लगानी गर्न ऋण नपाएका कारण बिक्री गर्नुपरेको बताउँदै उनले भने, ‘कम्पनीलाई निरन्तरता दिन ५ करोड ऋण माग गरेका थियौं तर भुक्तानी भएन ।’
उक्त ग्यास कम्पनी यही वैशाख १ गतेदेखि नेपाल ग्यासले खरीद गरेको छ । शुरुआती चरणमा १२ करोड बराबरको लगानी भएको नारायणी ग्यास उद्योग सञ्चालक राजेन्द्रका छोरा पशुपति बुर्लाकोटीले हेर्दै आएका थिए । कम्पनीको बजार क्षेत्र मुख्यगरी काठमाडौं, चितवन, पोखरा र मकवानपुरलगायतका जिल्लाहरुमा थियो ।

गर्मीसँगै विभिन्न रोगको समस्याः सतर्क रहन आग्रह

काठमाडौं। काठमाडौं उपत्यकाका ठूला अस्पतालहरुमा गर्मी मौसमको सुरुआतसँगै गर्मीका कारण उत्पन्न रोगका बिरामीहरुको चाप ह्वात्तै बढ्न थालेको छ ।

महाराजगन्जस्थित कान्ति बाल अस्पतालमा उपचारार्थ आउने बिरामीको सङ्ख्यामा शतप्रतिशत वृद्धि भएको छ भने अन्य अस्पतालमा पनि उपचार गर्न आउने बिरामीको सङ्ख्यामा वृद्धि भएको जानकारी प्राप्त भएको छ ।

गर्मी मौसम सुरु भएसँगै विशेष गरी बालबालिका बढी प्रभावित भएका छन् भने अन्य उमेर समूहका बिरामीको सङ्ख्या पनि वृद्धि भएको छ । आजको गोरखापत्रमा समाचार छ ।

चिकित्सकहरुले उपत्यकामा ज्वरो, टाइफाइड, झाडापखाला, आउँ, स्क्रब टाइपस, ठेउला लगायतका रोगको समस्या आएको भन्दै सतर्क रहन सबैसँग आग्रह गरेका छन् ।

वरिष्ठ सरुवा रोग विशेषज्ञ डा शेरबहादुर पुनले गर्मी मौसमको सुरुवातसँगै टेकुस्थित सरुवा रोग अस्पतालमा दैनिक ३० देखि ४० जना बिरामी ज्वरोको समस्या लिएर आउने गरेको उनले जानकारी दिए ।

यी हुन् विश्वकै छ खुङ्खार हत्यारा

विकिनी सिरियल किलरका नामले चर्चित चाल्र्स शोभराज अहिले नेपालमा जेल जीवन बिताइरहेका छन् । फ्रान्सका नागरिक भए पनि उनीसँग नेपाली, मेलेसियन, थाई र भारतीय नागरिकता पनि रहेको बताइन्छ । शोभराजको हत्या गर्ने तरिकाबारे फिल्म पनि बनाइएका छन् । तर, संसारमा शोभराज जस्ता सिरियल किलर धेरै जन्मिए । जानिराख्नुहोस् विश्वमै खुंखार मानिने ६ सिरियल किलरका कथाः

रोडनी अल्काला 


अमेरिकी रोडनी अल्काला डेटिङ गेम किलरका नामले चर्चित व्यक्ति हुन् । ७० को दशकमा उनले टेलिभिजनमा एउटा डेटिङ गेम शो जिते । यसवापत उनलाई एक युवतीसँग डेटिङ जाने मौका मिल्यो । तर, ती युवतीले रोडनीसँग डेटिङ जान अस्विकार गरिन् । यसपछि उनी एकाएक हत्याराका रुपमा उदाए । युवती तथा महिलाको हत्या गर्न शुरु गरे । ८ हत्या पुष्टि नै भयो भने १३० जनाको हत्या गरेको अनुमान छ । उनी हत्या गर्ने व्यक्तिको घाँटीमा केही चिनो रहने गरी हत्या गर्थे । घाँटीमा हातले अँचेट्नु भन्दाअघि हात कमजोर गराई दिन्थे । उनी एकै पटकमा हत्या गर्दैनथे । पटक–पटक घाँटी अँचेट्दै र छोड्दै गरेर लामो यातनापछि हत्या गर्थे ।

चाल्र्स अलब्राइट

 

चाल्र्स अलब्राइट पनि अमेरिकी हत्यारा हुन् । उनी आइबल किलरका नामले चिनिन्छन् । हत्यापछि आँखा निकालेर फालिदिने स्वभाव भएकाले उनलाई आइबल किलर भनिकएको हो । उनी एक मानसिक रोगी नै थिए । बाल्यकालदेखि नै मानसिक बिकृति देखिएपछि उनले जनावर पनि मार्थे । किशोरावस्थामा सानातिना अपराध गरे । जवानभएपछि वेश्याबृत्तिमा संलग्न हुने र घटनास्थलमै उनीहरुको हत्या गरेर आँखा निकाल्ने गर्न थाले ।

कोलिन आयरल्याण्ड 

सन् १९९३ मा इंगल्याण्डमा समलिंगी पुरुषबीच भएको एक हत्याकाण्ड चर्चित थियो । कोलिन आयरल्याण्ड नामका ब्रिटिस सिरियल किलरको नाम त्यतिखेर बाहिर आयो । दुईवटा बिहे गरेका उनी सिरियल किलर थिए । कोलिन हत्या गरेपछि लाससँगै अंग्रेजी अंक ९६९०को पोजिसनमा दुईवटा टेडी बियर राखिदिन्थे, यसैगरी छातीमा एउटा गुडिया पनि । सन् २०१२ मा उनको मृत्यु भयो ।

डेनिस रेडर 

अमेरिकी सिरियल किलर डेनिस रेडरको हत्या गर्ने तरिका अझै बेग्लै छ । पहिले व्यक्तिलाई अन्धो बनाउने अनि निकै यातना दिएर मार्ने डेनिसको तरिका हो । सन् १९७४ देखि १९९१ को बीचमा मात्रै उनले १० हत्या गरे । डेनिस सिधै कसैको घरभित्र छिर्थे अनि व्यक्तिलाई डोरीले बाँधेर लडाउँथे । त्यसपछि आँखामा पट्टी बाँधेर निकै यातना दिई मार्थे । एउटा घटनामा उनलाई डिएनए जाँच गरेरै दोषी करार गरियो । ७२ वर्षीय डेनिस त्यसपछि जिवनभरका लागि काराबास छन् ।

जोन जर्ज 

जोन जर्जले ४० को दशकमा इङ्ल्याण्डमा कम्तिमा पनि ६ हत्या गरेका थिए । जोनलाई एसिड बाथ किलर भनिन्थ्यो । व्यक्ति मारेपछि शरीरमा सल्फ्युुरिक एसिड खन्याई दिन्थे । यसपछि शवको मासु र केही हड्डी पनि गल्थ्यो तर, दाँतलगायत केही हड्डी गल्दैनथ्यो । यि हड्डीको बिक्री गर्ने र पैसा कमाउने कामका लागि जोन सिरियल किलर बनेका थिए । उनको अपराध पुष्टि भएपछि फासी दिइएको थियो ।

रिचर्ड रोजर 

न्यूयोर्कका रिचर्ड रोजरलाई लास्ट कल किलर भनेर चिनिन्छ । ९० को दशकमा गे बार बन्द हुनुभन्दा ठीकअघि उनी आफ्नो शिकारको खोजीमा हुन्थे । रिचर्डको हत्या रोजाईमा ४० वर्ष आसपासका समलिंगी पुरुष पर्थे । पहिले चक्कुले गोपेर मार्ने अनि शरीर टुक्रा बारेर तीनवटा ब्यागमा भरेर छाडिदिने तरिका अपनाउथे । एउटा ब्यागमा टाउको, अर्कोमा हात र शरीरको भाग तथा अर्कोमा खुट्टा राख्थे । अहिले ८३ वर्षका रिचार्ड जेल जीवन बिताउँदै छन् । एजेन्सी

रत्नपार्कका हिरो मुकुन्दे परे प्रहरी खोरमा

 

मोरङ । रत्नपार्कको हिरो मुकुन्देलाइ प्रहरीले पक्राउ गरेको छ । केही समयअघि सम्म रत्नपार्कमा बसेर मुकुन्दल्याण्डको परिकल्पना गर्ने र देशका नेताहरुलाई तथानाम गाली गर्ने मुकुन्द घिमिरे (मुकुन्दे) मोरङको बेलबारी ११ लक्ष्मीमार्गबाट बुहारी कुटेको आरोपमा पक्राउ परेका छन ।

मंगलबार बेलुका लक्ष्मीमार्ग आएका उनले अंशबण्डामा असन्तुष्टि भएको जनाउँदै भाई बुहारी यशोदा लुईँटेल लाई निर्घात कुटपिट गरेका हुन । उनको कुटाईबाट बुहारी गम्भिर घाईते भएकी छिन । भोजपुरको खार्ताम्छा घर भएका घिमिरेका भाई बुहारी लक्ष्मीमार्गमा घर बनाएर बस्दै आएका थिए ।

लामो समयदेखि रत्नपार्क छोडेर एक कोठामा बसी टवीटर र बिभिन्न सामाजिक सञ्चाल मार्फत देशका नेताहरुलाई खरो प्रहार गरिरहेका उनलाई प्रहरी चौकी भाउन्नेले मंगलबार नियन्त्रणमा लिई ईलाका प्रहरी कार्यलय बेलबारीलाई बुझाएको छ ।

सेतो पानी बग्ने समस्याबाट मुक्त हुन यी कुराहरुमा ध्यान दिनुहोस्

 

एजेन्सी । योनिबाट  सेतो पानी बग्ने समस्याले अधिकांश महिला  पीडामा परेका छन् । योनि र पाठेघरमा हुने संक्रमणले महिलामा यस्तो समस्या देखिन्छ । सेतो पानी अर्थात् सामान्य खालको योनिस्राव (योनिरस) मासिक चक्रअनुसार फरक–फरक हुन्छ । सामान्य प्रकारको योनिरसको बहाव पनि व्यक्तिपिच्छे फरक हुन सक्छ ।

पाठेघरको मुखको क्यान्सरको शंका निवारण गर्न वा प्राकृतिक रूपमा परिवार नियोजन गर्न चाहने तथा परिवार नियोजनका अन्य साधन अपनाउन नचाहने दम्पतीका लागि योनिस्रावको जाँच एउटा राम्रो विकल्प हो । महिलाको शरीरमा रहेको इस्ट्रोजेन हार्मोनको प्रभावले योनिरसको उत्पादन हुन्छ । कुनै कारणवश इस्ट्रोजेन हार्मोनको उत्पादन बढ्न गएमा यसले योनिद्वारको बाह्य सतह र पाठेघरको मुखको ग्रन्थीमा असर गरी योनिस्रावको बहाव बढाउँछ । कतिपय अवस्थामा योनिरसको अधिक उत्पादन शरीरको स्वाभाविक उत्पादन नै हो ।

यौन उत्तेजनाको बेला योनिद्वारको दुवैतिरको बार्थोलिन ग्रन्थीबाट अधिक मात्रामा ग्रन्थीरस उत्पादन भई तथा गर्भवती बेलामा इस्ट्रोजेन हार्मोनको अधिक उत्पादनले रगतको बहाव बढ्न गई अधिक योनिस्राव हुन्छ । यस्ता अवस्थाको सुरुवात यौनजन्य फिल्म हेर्दा, यौनसम्बन्धी कुरा सोच्दा, पत्रपत्रिका पढ्दा यौन उत्तेजना बढ्न गइ हुने गर्छ ।

पाठेघरको मुखको बाह्य सतह ताछिएर, पाठेघरको मुख जीर्ण तवरले सुन्निएर, वा त्यसमा सानो मासु पलाएर पनि योनिस्राव बहन्छ ।  पाठेघर झर्ने (आङ् खस्ने) समस्या भएका, पाठेघर पछाडि फर्किएका, पाठेघरको मुखमा जीर्ण प्रकारले सुन्निएमा, पिल्स चक्कीको सेवन गरेका महिलाको यौनांगमा रगत बहाव बढ्नाले तथा लामो समयसम्म बिरामी हुँदा योनिद्वारको बाह्य तह अत्यधिक झर्नाले पनि बढ्ता मात्रामा योनिरस बग्न सक्छ ।

क्यान्डिडा वा मोनिलियासिस (फङ्गाई) को संक्रमणमा दहीजस्तै सेतो छोक्रा–छोक्रा योनिस्राव हुन्छ भने ब्याक्टेरियल भजाइनोसिसमा खैरो खालको कुहिएको मासुजस्तै गन्हाउने तर नचिलाउने, ट्राइकोमोनास नामक परजीवीको संक्रमणमा हरियो वा पहेँलो खालको योनिस्राव, पाठेघरको मुखको सुन्निएमा पानीजस्तो सङ्लो योनिस्राव, योनिद्वारमा कुनै प्रकारको बाह्य वस्तु अड्किँदा गन्हाउने खालको पिपजस्तो रगत मिसिएको योनिस्राव हुन्छ ।

पाठेघरको मुखको वा योनिद्वारको भित्ताको ट्युमर (क्यान्सर) मा प्रायः रगत मिसिएको गन्हाउने खालको योनिस्राव बग्छ । महिलामा धातुमेह रोग लाग्दा योनिद्वारबाट पहेँलो वा हरियो खालको योनिस्राव बग्ने, पिसाब पोल्ने, हल्का ज्वरो आउने, तल्लो पेट दुख्ने, यौनक्रियाका बेला पीडा हुने, रगत बग्ने हुन्छ ।

 सेतो पानी बग्ने समस्याबाट मुक्त हुन यसाे गर्नुस्

तीतेपातीको पातबाट निकालिएको रस चिलाएको ठाउँमा दल्यो भने चिलाउन कम हुन्छ । महिलाको सेतोपानी बग्ने समस्याका लागि यो अतिनै उपयुक्त औषधी मानिन्छ । तीतेपातीलाई सफा गर्ने र त्यसको रस निकालेर गुप्तांगमा दल्ने ।

सेतो पानी बग्ने समस्याबाट बच्न योनिलाई सफा राख्नुपर्छ । सकेसम्म दैनिक रूपमा अन्डरवेयर परिवर्तन गर्नुपर्दछ । योनि सफा गर्दा  कहिल्यै पनि योनिमा साबुन प्रयोग गर्नु हुँदैन । पानी बग्ने समयमा योनि चिलाउने, पोल्ने, योनिबाट निस्केको पानी गनाउने भयो भनेचाहिँ चिकित्सककहाँ जाँच गर्न गइहाल्नुपर्छ ।

यस्तो समस्याबाट बच्नका लागि शारीरिक सम्पर्क गर्ने विषयमा पनि ध्यान दिनुपर्दछ । धेरै मानिससँग शारीरिक सम्पर्क गर्दा योनिमा संक्रमण हुन हुदा यसमा नियन्त्रण गर्नुपर्दछ ।

मधुमेह भएका कतिपय महिलामा पनि सेतो पानी बग्ने समस्या हुन्छ । यस्ता महिलामा रोगसँग लड्ने क्षमताको कमी हुन्छ र सेतो पानी बग्ने समस्या हुन्छ । सेतो पानी बग्ने समस्याबाट बच्न योनिलाई सफा राख्नुपर्छ ।

विश्वकै ‘बदनाम’ सेलिब्रेटी यी हुन्, यस्ता छन् बदनामीका कारण

काठमाडौं  । स्क्रिनमा देखिएका स्टार तपार्ईका लागि आदर्श लाग्न सक्छन् । तर, यदि यी सेलेब्सको वास्तविक जीवनबारे थाहा भयो भने तपाईलाई उनीहरुप्रति घृणा जाग्न पनि सक्छ । सिनेमा, टेलिभिजन र सामाजिक इभेन्टसमा सभ्य लाग्ने सेलिव्रेटीको बानीमा दाग अवश्य छ । हामीले यहाँ केही यस्ता सेलेव्रिटी प्रस्तुत गर्दैछौं जो आफ्नो राम्रो कामको कारणले कम र खराब कामको कारण बढी चर्चित छन् ।

लिन्ड्से लोहान

संसारमा केही व्यक्तिका लागि केही प्रकारका नामले पुकार्न सकिन्छ । लिन्ड्से लोहानमा ती महिलामा एक हुन् जो सबैभन्दा हट् र सबैभन्दा खराब सेलिव्रेटीको रुपमा बढी चिनिन्छ । लिन्ड्से ड्रग्स र सेक्सको मामिलामा फसिसकेकी छिन् । पुनर्सुधार केन्द्रमा लिन्ड्सेसँग रहिसकेका रिले गिल्सका अनुसार उनी निम्फोमेनियक हुन् । रिलेका अनुसार लिन्ड्सेमा अति कामुकता छ र उनी कुनैपनि पुरुषसँग सेक्स गर्न तयार हुने गर्छिन् ।

कारमैन इलेक्ट्राकारमैन सन् १९९९ मा आफ्ना पति डेनिस रोडम्यानलाई कुटपिट गरेको मामिलामा जेलको हावा खाइसकेकी छिन् ।

किम कादर्सियनकिस सोसलाइट र आफ्नो फिगरका कारण संसारमा चर्चित छिन् । सन् २००७ मा एक होममेड सेक्सटेपका कारण किम चर्चामा आएकी थिइन् । २० मिनेट लामो यो सेक्स टेप किमले आफ्ना पूर्वब्वायफ्रेन्ड रे जेसँग मिलेर बनाएकी थिइन् । इन्टरनेटबाट लिक भएपछि यो सेक्स टेपलाई विविध इन्टरटेनमेन्टले १ मिलियन डलरमा खरिद गरेको थियो ।

पेरिस हिल्टनयी अभिनेत्री पनि सेक्स टेपका कारण चर्चामा छिन् । रिक सेलेमनसँग बनाइएको सेक्सटेप २००४ मा वान नाइट इन पेरिस नामबाट पोर्नोग्राफिक भिडियोको रुपबाट रिलिज पनि गरियो । यो सेक्स टेप ६२ मिनेट लामो थियो ।

पुनम पाण्डे२०११ मा बोल्डनेसको नयाँ अर्थ बाहिर आयो । विश्वकप क्रिकेटको क्रममा भारतले प्रतियोगिता जिते नांगिने घोषणा गरेर पुनम पाण्डे चर्चामा आइन् । उनको बोल्ड स्टेटमेन्टले उनको जतासुकै चर्चा हुन थाल्यो । पुनम नाङ्गै त भइनन् तर यसबाट उनलाई जबरजस्ती पब्लिसिटी मिल्यो । पछि उनले बोल्ड फोटोसुट पनि गराइन् ।

शर्लिन चोपडाबोल्ड गर्लको रुपमा पहिचान बनाइसकेकी शर्लिन बितेको वर्ष प्लेब्वाय म्यागजिनमा फोटोसुट गरेपछि चर्चामा आइन् । हालैको एक इन्टरभ्युमा शर्लिनले आफूलाई सेक्स क्रान्तिकारीको रुपमा बताइन् । शर्लिन यतिबेला रुपेश पौलको फिल्म कामसूत्र थ्रीडीमा व्यस्त छिन् ।

एंजेलिना जोलीह्लिउडकी सुन्दर हिरोइन एन्जेलिना जोली आफ्ना भाई जेम्स हवनसँग शारीरिक सम्बन्ध कायम राखेको खबरबाट चर्चामा आइन् । भाईसँग शारीरिक सम्बन्धको हल्ला त्यतिबेला सुरु भयो जतिबेला एन्जेलिना र जेम्सलाई एकेडेमी अवार्ड समारोहमा किस गरिरहेको बेला देखियो । २००९ मा एन्जेलिनाले एक कन्फ्रेन्समा आफू आमाको ब्वाइफ्रेन्डसँग सुतिसकेको बताएकी थिइन् । एन्जेलिनाको अनुसार त्यतिबेला उनको उमेर १६ साल थियो । एजेन्सी